રિલાયન્સ જીયો હમેશાથી પોતાના કરોડો ગ્રાહકો માટે એકથી એક ચડિયાતા પ્લાન્સ અને ઓફર આપતું રહે છે. જીયો એ એકવાર ફરીથી તમામ યુઝર્સ માટે નવા પ્લાન લોન્ચ કર્યા છે, જે યુઝર્સ માટે ખૂબ જ ફાયદાકારક સાબિત થઈ શકે છે. જીયો હવે THE NEW JIO ફોન 2021 OFFER લઈને આવ્યું છે.
જેના અંતર્ગત જીયો ફોન યુઝર્સ માટે ઘણા પ્રકારનાં લાભ મળવાના છે. હાલમાં જ જીયોએ એક રિલીઝ મોકલીને પોતાના નવા પ્લાનની જાણકારી શેર કરી છે. કંપનીએ જણાવ્યું છે કે આ ઓફરની શરૂઆત દેશભરમાં ૧ માર્ચથી થઈ જશે. આ ઓફર સમગ્ર દેશમાં રિલાયન્સ રિટેલ અને જીયો રિટેલર પાસે ઉપલબ્ધ રહેશે. તો ચાલો તમને આ ઓફર વિશે પૂરી જાણકારી વિસ્તારથી જણાવીએ.
JIO ફોન 2021 OFFER અંતર્ગત નવા યુઝર ૧,૯૯૯ રૂપિયાની કિંમત ચૂકવીને જીયો ફોન ડિવાઇસની સાથે જ ૨ વર્ષ માટે અનલિમિટેડ સર્વિસનો આનંદ ઉઠાવી શકશે. આ ઓફરમાં જીયો ફોન યુઝર્સને અનલિમિટેડ વોઈસ કોલ, અનલિમિટેડ ડેટા (દર મહિને ૨ જીબી હાઈ સ્પીડ ડેટા) ની સુવિધા મળશે. જો એકવાર તમે આ ઓફર લઈ લો છો, તો પછી તમારે ૨ વર્ષ સુધી કોઈ પણ પ્રકારનાં રિચાર્જની આવશ્યકતા રહેશે નહીં.
સાથોસાથ આ ઓફરમાં અન્ય ઓફરની વાત કરવામાં આવે જે ૧,૪૯૯ રૂપિયાની છે. તેમાં જીયો ફોન યુઝર્સને જીયો ફોન અને ૧૨ મહિના માટે અનલિમિટેડ સર્વિસ મળશે. તેમાં અનલિમિટેડ વોઈસ કોલ, અનલિમિટેડ ડેટા (દર મહિને ૨ જીબી હાઈ સ્પીડ ડેટા) આપવામાં આવશે. આ ઓફર અંતર્ગત તમારે આખું વર્ષ અન્ય કોઈપણ રિચાર્જ કરવાની આવશ્યકતા રહેશે નહીં.
આ બંને ઓફરની સાથે જ જીયો દ્વારા એક ૭૪૯ રૂપિયાની ઓફર પણ પોતાના કરોડો ગ્રાહકો માટે રજૂ કરવામાં આવેલ છે. આ ઓફરનો ફાયદો જીયોનાં હાલનાં ગ્રાહકો જ ઉઠાવી શકશે. આ ઓફર અંતર્ગત ૧ વર્ષ એટલે કે ૧૨ મહિના સુધી અનલિમિટેડ સર્વિસ તમને મળશે. તેમાં અનલિમિટેડ વોઈસ કોલ, અનલિમિટેડ ડેટા (દર મહિને ૨ જીબી હાઈ સ્પીડ ડેટા દર મહિને) નો ફાયદો તમને મળશે. જણાવી દઈએ કે આ બધી જ ઓફર ૧ માર્ચ ૨૦૨૧થી લાગુ થવાની છે.
તમારી જાણકારી માટે જણાવી દઈએ કે જીયોનાં દેશભરમાં ૨૫ કરોડથી પણ વધારે યુઝર્સ છે. વળી જીયો ફોનનાં દેશભરમાં ૧૦ કરોડથી ગ્રાહકો છે. વર્ષ ૨૦૧૭માં જીયો એ પોતાના 4G ફોન રજૂ કર્યા હતા, ત્યારથી તે ખૂબ જ ચર્ચામાં રહેલા છે. આ ફોન KaiOS પર ચાલે છે.
જે લોકો સરળતાથી મોંઘા સ્માર્ટફોન ખરીદી શકતા નથી, તેમના માટે આ બેસ્ટ ઓપ્શન છે. ૨.૪ ઇંચ ડિસ્પ્લે, ૨ મેગાપિક્સલ રિયર અને ૦.૩ મેગાપિક્સલ સેલ્ફી કેમેરા વાળા આ ફોનની કિંમત પણ ખૂબ જ ઓછી છે.
