एजेन्सी – यूईएफए नेसन्स लिगमा इंग्ल्यान्ड डेनमार्कसँग बराबरीमा रोकिएको छ । इंग्ल्यान्ड घरेलु टोली डेनमार्कसँग गोलरहित बराबरीमा रोकिएको हो ।

यो बराबरीले इंग्ल्यान्डले लिग ‘ए’ २ मा शीर्षस्थानमा रहेको बेल्जियमसँगको अंक दुरी बराबरी गर्ने अवसरसमेत गुमाएको छ । समान दुई खेलबाट अपराजित रहेको बेल्जियम ६ अंक जोडेर शीर्षस्थानमा रहँदा अपराजित नै रहेको इंग्ल्यान्ड ४ अंक जोडेर दोस्रो स्थानमा रहेको छ । डेनमार्क १ अंक जोडेर तेस्रो स्थानमा रहँदा अंकविहीन आइसल्यान्ड पुछारमा छ ।

तेलिया पार्केन कोपेनहेगनमा मंगलबार राति भएको खेलमा पाहुना टोली इंग्ल्यान्डले बल पोजेसनमा पकड बनाएपनि डेनमार्कको पोस्टमा गतिलो आक्रमण बुन्न सकेन । घरेलु टाली डेनमार्कले बेला बेलामा आक्रमण बुनेको थियो । ३७औं मिनेटमा घरेले टोलीका कास्पर डोलवर्गको प्रहारलाई इंग्ल्यान्डका गोलरक्षक जोर्डन पिकफोर्डले बचाए ।

८१औं मिनेटमा युसुफ पउलसेनको पासमा कप्तान क्रिस्टियन इरिक्सनको भली प्रहार बारबाट थोरै बाहिरिदा डेनमार्क अग्रता लिनबाट चुक्यो । इन्ज्युरी समयमा डेनमार्कका डिफेन्डरबीच तालमेल नमिल्दा कप्तान ह्यारी केनले गरेको प्रहारलाई डेनमार्कका गोलरक्षक कास्परले विफल पारेपनि रिवाउन्डमा म्याथियस जोर्गेन्सेनले क्लियर गर्दै सम्भावित गोल टारे ।

त्यसपछि पनि गोल निस्कन नसक्दा दुवै टोली अंक बाड्न बाध्य बन्यो । यही समूहको अर्काे खेलमा बेल्जियमले आइसल्यान्डमाथि ५–१ को सानदार जित हात पारेको छ । बेल्जियमको फराकिलो जितामा मिचे बात्सुयाईले दुई तथा तथा एक्सेल विस्टेल, ड्रिएस मेर्टिन्स र जेरेमी डोकुले समान एक गोल गरे । आइसल्यान्डका होल्मबर्ट एरोन फ्रिडजोन्सनले गरेको गोल सान्त्वना बन्यो ।

LEAVE A REPLY

Please enter your comment!
Please enter your name here